الرئيسية - Uncategorized - مجنون أنتُ؟

مجنون أنتُ؟

نام واغفى واتهنى

الحب عليك ثگیل

من گلب یلعب ویمیل

هذا حال حواء

كذب ولعب وهراء

لاتفكر وتشغل بالك

لو تدفّن الحب هنيالك

لاتکول مدَلل النسوان

جمر العشگ مابيه هوان

لو مايگرص يشگ گلب الانسان

مجنون أنتُ؟

تمتع بعمرك وتهنى

والتقي حواء الجُنة

لاحر ولابرد ولاامطار

ولا قهر ولاحزن ولا دمار

مجنون أنتُ؟

أخزن للعمر نسيان

دُوا جروح الغرام

ولاتخضع للحب عميان

ولاتفرط باحساس بالهوان

خلي گلبگ من فولاذ

لايصهْره نار وملَاذ

نار حوا اقوى لهيب

يحرگ المايحترگ

ويخلي الملوك عبيد

مجنون أنتُ؟

خليك تاجر شاطر

وتاجّرْ بدموع النسوان

وأملْكْ بحيرة جافة

وخَلِ تسبح بيها النسوان

امليها ماي الغرور

قطراتة من الكبرياء

وكافي مرار وحرمان

مجنون أنتُ؟

لاتدَخّل گلبگ حواء

لاتستُعمر نبضاتة

لاتدَخّل گلبگ حواء

لاتنهش بطبقاته

وتصير تاليها رَسم

لانُبض ولا دُم ولا إحساس

 

نهاد حناني

25-09-2017

عن نهاد حناني

نهاد حناني