خورنة مار توما الرسول الكلدانية في هولندا خورنة مار توما الرسول الكلدانية في هولندا
دولار بتبسية الكنيسة ولا وچماله مشگگوگ؟؟ههه
الساعور :مرحبا شماس
الشماس :هلا ياغالي
س :من زمان ماكو مشايفك
ش: اي صدك الزوجة مريضة وماعندي وكت اجي
س:الزوجة مريضة ؟ وشنو علاقتك بالموضوع ؟
ش: اووووو هذا سؤال بالله ,هاي شلون عايش انت
س:هههه اعذرني ممتورط اني اوووه قصدي ممتزوج
ش:بوس ايدك وجه وگفى
س:لا ليش الزواج استقرار ,المراة تصنع المجتمع
ش:گول ,اكو شي من ملامح وجهك
س:اي صدكني اريدك تساعدني
ش:خير شكو؟
س:دايخ وداانفخ طول الوقت
ش:خير احچي
س:شايف هيجي ؟دولار ذابين بالتبسية مالكنيسة لا ومشگوگ نصین
ش: اخ اخ العن ابو….
س:لاه لاه لاه متوقعتك تنفعل ,طول بالك وفكر شوية واحسبها بعقل
ش: وبقى بيها عقل ؟ورقة دولار؟ لا ومشگوگة؟؟ وشلون احسبها بالعقل ياساعور؟
س:البارحة خبرني مسؤول المالية يبچي ,كتله خير ؟كال مقهور شفت ورقة دولار
بالتبسية ومقهور على الي ذبها هاي الورقة بالتبسية لان اللي ذبها اكيد جاي
وذاب تكت الطيارة بكذا دولار مااعرف اني مارايح يجوز شي 1200 يورو الامريكا
وحتى خطية ترامب خابرني چم مرة حتى خطية دگ عالموبايل يلا حصلني طلب
اروح اني والقس عدهم عماذ يردون يعمذون رئيس كوريا الجنوبية بالبيت الاسود قصدي الابيض
…المهم اني الي افتهمتةانو اكو ازمة شريط لاصق(شريط شفاف)لان على الاقل ورقة الدولار
چان لزگوها ,شوف ربنا يحول كل شر الخير
ش: شلون يعني ؟
س: يعني دافكر اسوي صفقة تجارة شريط شفاف من هولندا الامريكا حتى يلزگون الدولارات المشگگة
ش:اكيد شغلة واحد بخيل كلش ؟هههه
س:لا اكيد لا لان لو بخيل اني حللتها الشغلة لو ورقة الدولار ذبها بخيل جانت تتكون من تلاث قطع
ش: هاي شلون حللتها؟
س: ياحبيبي ورقة الدولار تسوي 60 سنت فاذا بخيل چان شگها تلاث وصل وخلى كل وصلة بقداس
يعني چان مشا بيها تلاث قداديس على 20 سنت
ش:هاي فاتتني مفكرت بيها ههه
س: حقك بالك بزوجتك واتمنالها الشفا العاجل ,بس شفت شلون صفقة مربحة ؟ يعني اذا بامريكا ماكو
لاصف شفاف شي غريب عجيب شلون دايحاربون العالم ومعدهم شريط شفاف
ش:اعتقد اهنانا تكمن المشكلة لو امريكا عدهم شريط شفاف جان سدو بيها حلوگهم لان سبب
المشاكل هو اللسان مثل مايگول عليه الكتاب المقدس اللسان اصغر اعضاء الجسم وهو آية من
الشرور يحرق غابة باكملها(ولسانهم كلش …)
س: واذا بامريكا ماعدهم من يلزگ الدولارات المشگگة فراح ندزلهم چم عربي قطريين وسعوديين لان هذولا
يعرفون شلون وعدهم خبرة يسوون الجگاير اللف
تحيات اخوكم
دولار
